Ստամբուլի հայկական «Ակոս» շաբաթաթերթի նախկին գլխավոր խմբագիր Հրանտ Դինքի սպանության գործով մարդու իրավունքների եվրոպական դատարանի կայացրած որոշումը Թուրքիայում չի իրականացվում։
Ինչպես տեղեկացնում է Ստամբուլի հայկական «Ակոս»-ը, Դինքի ընտանիքը դիմել է ՄԻԵԴ-ի որոշումների իրականացման հարցով զբաղվող Եվրոպայի խորհրդի նախարարների կոմիտեին։ Դինքի ընտանիքի փաստաբան Ֆեթհիյե Չեթինը խնդրի հետ կապված նշել է, թե թուրքական իշխանությունները ՄԻԵԴ-ի վճռի իրականացման ուղղությամբ ոչ մի հստակ քայլ չեն անում։
Նշենք, որ ՄԻԵԴ-ի կողմից 2010-ի սեպտեմբերի 14-ին Թուրքիայի հանրապետության դեմ կայացրած որոշման մեջ նշվել է, որ թուրքական իշխանությունները չեն ապահովել Դինքի անվտանգությունը եւ սպանության բացահայտման գործում անհրաժեշտ հետաքննություն չեն իրականացրել։