Հայաստանում ԱՄՆ-ի դեսպան Ջոն Հեֆերնը այցով գտնվում է ԱՄՆ-ում, որտեղ հանդիպումներ է ունենում հայ համայնքի ներկայացուցիչների հետ:
Լոս Անջելեսում հինգ օր մնալուց հետո դեսպանը մեկնել է Սան Ֆրանցիսկո, որտեղ կմասնակցի բարձր տեխնոլոգիաներին նվիրված «Armtech-Կոնգրես 2012» կոնֆերանսին, իր միկրոբլոգում հայտնել է Հեֆերնը:
«Հինգ շատ օգտակար օր եմ անցակցրել Լոս Անջելեսում: Շատ բաներ եմ լսել եւ սովորել: Ուղեւորվում եմ Սան Ֆրանցիսկո՝ մասնակցելու Armtech-ին: ԱՄՆ-ի հետ ՏՏ ոլորտում համագործակցությունը կվերափոխի Հայաստանը»,- գրել է դեսպանը:
Նշենք, որ կոնֆերանսին ներկա կլինի նաեւ հայկական պատվիրակությունը` վարչապետ Տիգրան Սարգսյանի ղեկավարությամբ:
