Թուրքիայի Ուրֆա նահանգի Ջեյլանփընարի շրջանի դիմաց գտնվող Սիրիայի Ռեսուլայնի շրջանում կրկին վերսկսված բախումների հետեւանքով վիրավորված սիրիացի գրոհայիններին տեղափոխել են Թուրքիա եւ արագ հասցրել հիվանադանոցներ։
Թուրքական imc հեռուստաընկերության կողմից հեռարձակված կադրերում երեւում են, թե ինչպես են Ուրֆա նահանգում սահմանից նոր անցած վիրավոր գրոհայիններին տեղավորում շտապօգնության մեքենաները։
Նշենք, որ օրեր առաջ թուրքական կայքերում հայտնվել էր տեսագրություն, թե ինչպես են Ռեսուլայնում սիրիացի գորհայիններն սպանում անզեն մարդկանց։ Սակայն ինչպես երեւաց այս տեսագրությունից, դրանից շատ չանցած անզեն քաղաքացիներին սպանող գրոհայինների առաջ Թուրքիայում բացում են դռները։