Ռումինիայի էկոնոմիկայի նախարար է դարձել հայազգի Վարուժան Ոսկանյանը:
Վիկտոր Պոնտայի կառավարության նոր կազմը խորհրդարանը հաստատել է դեկտեմբերի 21-ին:
Ոսկանյանի ենթակայության տակ կլինեն նաեւ երկու նախարար-պատվիրակներ. Էներգետիկայի ու փոքր եւ միջին բիզնեսի, բիզնես միջավայրի եւ տուրիզմի նախարարները: Դեկտեմբերի 22-ին կկայանա Ռումինիայի նոր կառավարության առաջին նիստը:
« Արմենպրեսը» հայտնում է, որ Ոսկանյանը նաեւ Հայոց ցեղասպանության մասին «Շշունջների գիրք» վեպի հեղինակն է: Վեպը Ռումինիայում ճանաչվել է լավագույն գրական ստեղծագործությունը եւ արժանացել Ռումինիայի ակադեմիայի գլխավոր մրցանակին: Կոլումբիայում գիրքը լավագույն հինգ «բեսթսելլերների» շարքում է: