Դեկտեմբերի 26-ին, ժամը 13.41-ին ճգնաժամային կառավարման կենտրոն տեղեկատվություն է ստացվել, որ Հրազդան գետում` «Գետափ» ռեստորանային համալիրի մոտակայքում, հայտնաբերվել են սատկած ձկներ:
ԱԻՆ լրատվական ծառայությունից հայտնում են, թե դեպքի վայր է մեկնել ՃԿԿ ԱԻ արձագանքման խումբը: Տեղեկատվությունը փոխանցվել է ՃԿԿ-ի հետ համագործակցող ՀՀ բնապահպանության եւ գյուղատնտեսության նախարարությունների պատասխանատու աշխատակիցներին եւ գյուղատնտեսության նախարարության սննդամթերքի անվտանգության պետական ծառայություն: Վերցվել են ջրի եւ ձկան փորձանմուշներ:
