Ryanair բյուջետային ավիաընկերությունը չի մեկնաբանում հայկական շուկայով հետաքրքված լինելու մասին Երեւանում հնչած հայտարարությունը: Ընկերության մամուլի ծառայությունում չմեկնաբանեցին NEWS.am-ի ` Հայաստնում ներկայացուցչություն բացելու հնարավոր ժամկետների, ինչպես նաեւ հայկական շուկան ուսումնասիրելու մասին հարցմանը:
Հիշեցնենք, որ նոյեմբերին «Զվարթնոց» օդանավակայանի գլխավոր տնօրեն Մարսելո Վենդեն հայտարարել էր, որ բանակցություններ են վարվում Ryanair ընկերության հետ, որն իր հերթին հետաքրքրված է հայկական շուկայով: Ryanair-ը աշխարհում ամենախոշոր բյուջետային ավիաուղիներից է, ամսական ավելի քան 7 մլն ուղեւոր է տեղափոխում: Ընկերությունը հետխորհրդային երկրներից թռիչքներ է իրականացնում Մերձբալթիկայում: Հայաստան առայժմ թռիչքներ չեն իրականացվում: