Առաջիկա օրերին Հայաստան են ժամանելու սփյուռքահայ գեներալներ ու ծովակալներ: Այդ մասին NEWS.am-ի հետ զրույցում հայտնեց ՀՀ սփյուռքի փոխնախարար Դավիթ Կարապետյանը։
Դ. Կարապետյանը նշեց, որ սփյուռքահայ բարձրաստիճան զինվորականները Հայաստան են ժամանելու՝ մասնակցելու Բանակի օրվա տոնական միջոցառումներին: «Սփյուռքահայ գեներալների այցը խորհրդանշում է հայոց բանակի շուրջ համազգային համերաշխություն եւ ակնածանք»,- նշեց Դ. Կարապետյանը:
Նշենք, որ սփյուռքահայ գեներալների այցը Հայաստան կազմակերպել է ՀՀ պաշտպանության նախարարությունը Զարգացման ծրագրերի հայկական կենտրոնի հետ համատեղ: