Հայ փորձագետը համամիտ չէ Հայաստանի համար թուրքական Patriot-ների հնարավոր վտանգի մասին կարծիքին: 

«Թուրքական Patriot-ներն իրական վտանգ չեն ներկայացնում Հայաստանի համար», - նշել է ռազմական փորձագետ Արկադի Գրիգորյանը՝ NEWS.am-ի թղթակցի խնդրանքով մեկնաբանելով Ռուսաստանի ռազմաօդային ուժերի նախկին հրամանատար Անատոլի Կորնուկովի հայտարարությունը: 

Ըստ Կորնուկովի՝ Սիրիայի սահմանին Թուրքիայի տեղադրած հրթիռները հիմնականում ուղղված են Ռուսաստանի եւ ԱՊՀ երկրների դեմ: Նախկին հրամանատարը նաեւ նշել էր, որ դա սպառնում է Հայաստանի անվտանգությանը: «Սահմանը մեզ մոտ է: Ադրբեջանը Թուրքիայի համախոհն է: Հայաստանը սպառնալիքի տակ է»: