Ամերիկացի լարախաղաց Նիկ Վալենդան հերթական վտանգավոր հնարքն է կատարել. Առանց ապահովացման կտրել անցել է ավելի քան 60 մետր բարձրությունում ձգվող մետաղալարը:
Այդ վտանգավոր զբոսանքին հետեւել են Ֆլորիդա նահանգի Սարասոտա քաղաքի բնակիչները: Լարը անցկացրել են քաղաքի կենտրոնում, տակի ճանապարհն էլ ելույթի ընթացքում փակել են, հայտնում է BBC-ի ռուսական ծառայությունը: «Հիանալի զբոսանք էր, այդ բարձրությունից հիասքանչ տեսարան է բացվում», - հայտարարել է Վալենդան:
Սա լարախաղացի առաջին հնարքը չէր: Նախորդ տարվա ամռանը նա զբոսնել էր Նիագարայի ջրվեժի վրայով:
34-ամյա լարախաղացը վեց անգամ գրանցվել է Գինեսի ռեկորդների գրքում: