ԱՄՆ հայ երիտարսդական կազմակերպությունների ներկայացուցիչները փետրվարի 1-ին Վաշինգտոնում լուռ ակցիա են կազմակերպել` կոչ անելով Կոնգրեսին հրաժարվել Թուրքիայի քաղաքականությանն աջակցելուց` հատկապես Ստամբուլում հայ կանանց նկատմամբ վերջին հարձակումների համապատկերում, հաղորդում է «Asbarez»-ը:
Ցուցարարները բերանները փակել են կարմիր ժապավենով` ի նշան բողոքի: Նրանք ձեռքներին ունեցել են ցուցապաստառներ` Թուրքիայի քաղաքականությանն աջակցելուց հրաժարվելու կոչերով, ինչպես նաեւ սպանված կանանց լուսանկարները:
«Բողոքի ակցիային մասնակցել են նաեւ բազմաթիվ ոչ հայազգի ուսանողներ, որոնք աջակցել են մեր ջանքերին` Թուրքիայում ատելության հողի վրա կատարված հանցագործությունների վրա լույս սփռելու համար»,-ասել է Կալիֆոռնիայի համալսարանի հայ ուսանողների ասոցիացիայի հանրային կապերի ներկայացուցիչ Քնարիկ Գասպարյանը:
Հիշեցնենք, որ անցած տարի դեկտեմբերին Ստամբուլի Սամաթիա թաղամասում հարձակումներ էին իրականացվել չորս տարեց հայ կանանց վրա, որոնցից մեկը` Մարիցա Քյուչուկն սպանվել էր: