Ստամբուլում դատաբժշկական փորձաքննությունից հետո Ստամբուլի հայկական Երեք Խորան եկեղեցում տեղադրված ամերիկացի կին լուսանկարիչ Սառա Սիեռայի դին նախատեսվում է փետրվարի 6-ի երեկոյան տեղափոխվելու է օդանավակայան, որտեղից էլ այն կուղարկվի ԱՄՆ։
Ստամբուլի հայկական «Ակոս»-ի փոխանցմամբ՝ Սառա Սիեռայի դիակի տեղափոխման հետ կապված հարցեորվ զբաղվող Թեքին Շեքերը հայտնել է, որ փետրվարի 6-ի երեկոյան այն Բեյօղլու թաղամասում գտնվող հայկական Երեք Խորան եկեղեցուց կտեղափոխվի Ստամբուլի Աթաթուրքի անվան օդանավակայան, իսկ հաջորդ օրն էլ կուղարկվի ԱՄՆ։
Նշենք, որ 2 երեխաների մայր, 33-ամյա Սառան հունվարի 7-ին, միայնակ Ստամբուլ էր մեկնել: Նրա անհետանալու փաստը հայտնի է դարձել, երբ նրա ամուսինը հունվարի 21-ին սպասել է նրա վերադարձին:
Վերջին անգամ Սառան հեռախոսով քրոջը տեղեկացրել է, որ գնում է Գալաթասարայի աշտարակը տեսնելու։
Ոստիկանությունը Սառայի սպանության հետ կապված ձերբակալել է 15 հոգու։