NEWS.am-ը որոշակի կրճատումներով ներկայացնում է Zawya լրատվական գործակալության հոդվածը` Հայաստանի տնտեսության մասին.
Դուբայական «Rasia FZE» ընկերությունը «Հարավկովկասյան երկաթուղի» ընկերության հետ պայմանագիր է կնքել Հայաստանի տրանսպորտի եւ կապի նախարարության հետ երկաթուղային-ավտոմոբիլային միջանցքի կառուցման համար, որը Սեւ ծովի նավահանգիստները կապելու է Պարսից ծոցի նավահանգիստների հետ:
Երեք մլրդ դոլար արժողությամբ տրանսպորտային նախագիծը կարեւոր նախաձեռնություն է, որն ընդգծում է տնտեսության հեռանկարները, որնք հաճախ մնում էին մեծ եւ հարուստ երկրների` Ղազախստանի եւ Ադրբեջանի ստվերում:
Չնայած իր ոչ մեծ չափերին, Հայաստանը չի կռանում: Համարվելով Կենտրոնական Ասիայի ամենաշուկայական տնտեսությունը` երկիրը ժողովրդավարության հանգրավան է դարձել դիկտատորական եւ մեկուսացած ռեժիմների շրջապատում:
Հայերը կարող են պարգեւատրել իրենց երկրի նախագահին տնտեսական ձեռքբերումների համար: Անցած տարի Հայաստանի տնտեսությունն արձանագրել է հուսալի` 6,2% աճ, այն բանից հետո, երբ լրջորեն տուժել էր համաշխարհային ճգնաժամից:
«Տնտեսական անորոշության պատճառով ռիսկերը մնում են: Տնտեսության զարգացման հետանկարները մեծապես կախված են եվրագոտում իրադարձությունների զարգացումից, որոնք կարող են Հայաստանին փոխանցվել առեւտրային, բանկային եւ ուղիղ ներդրումների միջոցով, ինչպես նաեւ պարենամթերքի եւ մետաղների գներով: Նայելով առաջ` Հայաստանը կարող է օգուտ քաղել ինտեգրացիայի համընդգրկուն շրջանակից` ԵՄ լիակտար անդամակցության կամ անդամակցող պետության կարգավիճակի ճանապարհով»,-ասվում է Համաշխարհյին բանկի զեկույցում:
Վերակառուցման եւ զարգացման եվրոպական բանկն էլ նշում է, որ 2013թ-ին Հայաստանի իշխանությունների առջեւ երեք կարեւոր խնդիր կա: Դրանց թվում է գործարար մթնոլորտում «ճեղքման» ապահովման խնդիրը: Զարգացող տնտեսությամբ երկրները հաճախ բազմաթիվ դրական միջոցառումներ են ձեռնարկում, միայն որպեսզի ետ քաշվեն եւ չիրականացնեն այդ քաղաքականությունը:
Երկրոդը` կառավարությունը պետք է բարելավի ներքին եւ միջազգային առեւտուրը, ինչը ներառում է ենթակառուցվածքների բարելավում եւ զարգացում: Տրանսպորտային 3 մլրդ դոլարանոց նախագիծը ինչ- որ առումով բարելավում է երկրի տրանսպորտային ցանցը:
Վերջապես, կառավարությունը պետք է աջակցի կապիտալի շուկայի զարգացմանը: «Դեդոլարիզացիայի հավակնոտ օրակարգը պետք է աջակցություն ստանա դրամավարակային քաղաքականության համապատասխան առաջընթացքով: Սպասվող կենսաթոշակային բարեփոխումներն էլ պետք է ռազմավարական հնարավորություն դառնան պետական արժեթղթերի, բանկային ավանադների, արժետոմսերի ներքին շուկայի զարգացման համար`ակտիվ ինստիտուցիոնալ ներդրումային բազայի միջոցով, որը երկարատեւ ներդրումների համար կայուն պահանջարկ կապահովի»,-խորհուրդ է տալիս ՎԶԵԲ-ը: