Միսը, մսամթերքը, կաթնամթերքը, հացաբուլկեղենը, ձեթն ու յուղը Հայաստանի Հանրապետության կառավարության կողմից ճանաչվել են ներմուծվող սննդատեսակներից ամենաբարձր ռիսկ պարունակողները: ՀՀ կառավարությունն այսօր՝ փետրվարի 21-ին հավանություն տվեց ՀՀ գյուղատնտեսության նախարարության պատրաստած «Հայաստանի Հանրապետություն ներմուծվող սննդամթերքի ռիսկայնության հիման վրա հսկողության մեթոդաբանությունը հաստատելու մասին» որոշմանը:
Ներմուծվող սննդատեսակների ռիսկայնությունը որոշվում է մի քանի չափանիշներից ելնելով՝ տեսակ, տրանսպորտային միջոց, զանգված եւ այլն:
Նշենք, որ ալկոհոլային խմիչքները ռիսկայնության միջին գոտում են, իսկ շաքարավազն ու մեղրը՝ ցածր:
Ինչ այս որոշումը սահմանային հսկիչ կետերում ներմուծվող սննդամթերքի հսկողությունն իրականացվում էր միանման, կրկնվող, այսինքն՝ առանց ռիսկայնությունն որոշող չափանիշների: Այդ պատճառով հսկողական գործողությունները չհամակարգված, երբեմն անտեղի են կամ էլ չեն նպաստում վտանգավոր սննդամթերքի բացահայտմանը եւ դրանց իրացման կանխարգելմանը:
