Բազելի համալսարանի գիտնականները Եգիպտոսում հայտնաբերել են ամենահին արեւային ժամացույցներից մեկը, ասված է համալսարանի հաղորդագրությունում: Ժամացույցը, որի տարիքը մոտավորապես 3,3 հազար տարի է, հայտնաբերվել է Փարավոնների հովտի դամբարանների պեղումների ժամանակ: Ժամացույցն ափսեի չափսի դիսկ է, որի վրա սեւ գույնով կիսաշրջան կա, որը բաժանված է 12 հավասար մասերի, հաղորդում է «Ինտերֆաքսը»:
Դիսկի կենտրոնում 16 սմ խորություն կա, որը ծառայում է փայտե կամ մետաղե կտոր դնելու համար, որի ստվերն էլ թույլ է տալիս իմանալ, թե օրվա որ ժամն է: