Մահվանից մի քանի ամիս առաջ Բերեզովսկին իսկապես նամակ է գրել Պուտինին, սակայն Կրեմլը մտադիր չէ այն հրապարակել: Նամակի առկայությունը հաստատել է ՌԴ նախագահի մամուլի քարտուղար Դմիտրի Պեսկովը` միաժամանակ ավելացնելով, որ այն չի հրապարակվի: Նա ասել է, որ տեղյակ չէ,արդյոք նամակին որեւէ պատասխան հետեւել է, թե ոչ, հաղորդել է ԻՏԱՌ-ՏԱՍՍ-ը:
Պուտինին ուղղված նամակում Բերեզովսկին խոստովանել է իր սխալները եւ հայտնել Ռուսաստան վերադառնալու ցանկության մասին:
RT խմբագիր Մարգարիտա Սիմոնյանը նույնպես հայտնել էր, որ նամակը Ռուսաստան վերադառնալու աղերս էր:
«Ես բազմաթիվ սխալներ եմ գործել, հասկանում եմ` որքան դժվար է ինձ ներելը, սակայն ես խճճվել եմ եւ ներում եմ աղերսում», - նամակն այսպիսի խոսքեր է բովանդակել, որոնց մասին Սիմոնյանին հայտնել է Պուտինին մոտ կանգնած աղբյուրը: Ընդ որում, Սիմոնյանը նշել է, որ իր զրուցակիցը չգիտի` պատասխանել է արդյոք նախագահը Բերեզովսկուն:
