Թուրքական հայտնի Taraf պարբերականի նախկին գլխավոր խմբագիր Ահմեդ Ալթանի «Վերջին խաղ» վեպը տպարանից դուրս գալուց հետո սպառվել է 2 ժամում։

Թուրքական T24.com կայքի փոխանցմամբ՝ Taraf-ի նախկին գլխավոր խմբագրի  «Վերջին խաղը» վեպը, որը հեղինակը գրել էր վերջին 3 ամսվա ընթացքում, ապրիլի 2-ին տպարանից դուրս գալուց հետո 2 ժամվա ընթացքում անհետացել է բոլոր գրախանութներից։

Ստամբուլի Evrensel հրատարակչատանը տպագրված եւ 408 էջից կազմված «Վերջին խաղը» վեպը վաճառքի էր դուրս եկել 100 հազար օրինակով։

Նշենք, որ Ահմեդ Ալթանը թուրք եզակի մտավորականներից է, ով ճանաչում է Հայոց ցեղասպանությունը։