Հայաստանի նախագահ Սերժ Սարգսյանն այսօր՝ ապրիլի 10-ին, ցավակցական հեռագիր է հղել Իրանի Իսլամական Հանրապետության նախագահ Մահմուդ Ահմադինեժադին՝ Իրանի Բուշեհր քաղաքի մոտակայքում տեղի ունեցած երկրաշարժի կապակցությամբ, որը բազմաթիվ մարդկային զոհերի եւ ավերածությունների պատճառ է դարձել:
Նախագահի մամուլի գրասենյակից հայտնում են, որ Սերժ Սարգսյանը խորին վշտակցություն է հայտնել նախագահ Ահմադինեժադին եւ Իրանի բարեկամ ժողովրդին` սփոփանքի խոսքեր ուղղելով զոհվածների հարազատներին ու մերձավորներին: