ԱՄՆ պետքարտուղար Ջոն Քերրին Ստամբուլում կազմակերպված մամուլի ասուլիսի ժամանակ հայտարարել է, թե այս պահին սխալ է, որ Թուրքիայի վարչապետ Ռեջեփ Թայիփ Էրդողանն այցելի Գազա:
Թուրքական Haberturk-ի փոխանցմամբ` Ստամբուլում անցկացրած հանդիպումներից հետո ԱՄՆ պետքարտուղար Ջոն Քերրին կազմակերպված մամուլի ասուլիսի ժամանակ պատասխանելով Էրդողանի Գազա կատարելիք այցի հետ կապված լրագրողի հարցին, ասել է, թե այդ հարցով խոսել է երկու երկրների վարչապետերի հետ եւ զգուշացրել է, որ այդ այցն այս պահին նպատակահարմար չէ:
«Իհարկե, Թուրքիայի վարչապետն իր ուզած ժամանակ իր ուզած տեղը գնալու մեջ ազատ է, սակայն մենք ուզում ենք, որ դրա համար պայմաններ ստեղծվեն»,-ասել է Ջոն Քերրին:
Նշենք, որ երբ Իսրայելի եւ Թուրքիայի վարչապետները պայմանավորվեցին կարգավորել երկկողմ հարաբերությունները, Թուրքիայի վարչապետ Ռեջեփ Թայիփ Էրդողանը հայտարարեց, թե նախատեսում է այցելել Գազայի հատված, ինչին կտրուկ դեմ հանդես եկան պաղեստինյան իշխանությունները: