Ապրիլի 25-ին` ժամը 20:15-ին վերսկսվել է ռուսական գազի ներհոսքը Հայաստան, որը ժամանակավորապես դադարեցվել էր` Վրաստանի տարածքում Կազախ-Սագուրամո գլխավոր գազատարի վերանորոգողական աշխատանքների պատճառով: Այդ մասին NEWS.am-ին հայտնել են «ՀայՌուսգազարդ» ընկերության մամուլի ծառայությունից:
Ավելի վաղ NEWS.am-ը հայտնել էր, որ ապրիլի 25-ին Վրաստանի տարածքով ռուսական գազի ներհոսքը Հայաստան ժամանակավորապես դադարեցվել էր վերանորոգողական աշխատանքների պատճառով: Վրաստանի գազի ներմուծման կազմակերպությունից, որը Վրաստան ռուսական գազի ներմուծման օպերատորն է, հայտնել էին, որ վերանորոգման աշխատանքներ կիրականացվեն գազատարի Գարդաբանի շրջանի տարածքում գտնվող հատվածում:
