Վազգեն Խաչիկյանը, ում վրա քրեական գործ է հարուցված թոշակների յուրացման փաստով, ընդամենը արդարությունն էր հաստատում: Այդ մասին այսօր՝ մայիսի 21-ին, ՀՀ Ազգային Ժողովում հայտարարեց պատգամավոր Վահան Հովհաննիսյանը:
«Եթե մահացած ու հանրապետությունից բացակայող թոշակառուները կարող են քվեարկել, ինչո՞ւ թոշակ չստանան... Եթե դրանց օգտագործում են իշխանությունը պահելու համար, ինչո՞ւ գոնե մի հոգի չհարստանա...»,- Վ. Հովհաննիսյանի ելույթը ծիծաղ առաջացրեց նույնիսկ իշխող կուսակցության շարքերում:
Անդրադառնալով ՀՀԿ պատգամավոր Գալուստ Սահակյանի այն խոսքերին, թե հանրապետականներից լավը չկա, Վ. Հովհաննիսյանը հեգնեց. «Դա կլասիկ շուլուխ է եղել, լուրջ մի ընդունեք... դուք պետք է ապացուցեք, որ ամենավատը չեք»:
Լուսանկարը՝ Արսեն Սարգսյանի/NEWS.am