Ռուսաստանն եւ Ադրբեջանը կարող են կասպիական հանքավայրերից Նովոռոսիյսկի տարածքով նավթի տարանցման մասին նոր համաձայնագիր ստորագրել: Այս մասին ադրբեջանցի գործընկեր Էլմար Մամեդյարովի հետ Մոսկվայում կայացած հանդիպման ընթացքում հայտարարել է Ռուսաստանի արտգործնախարար Սերգեյ Լավրովը:
Ռուսական տարածքով՝ Մոսկվա-Նովոռոսիյսկ երթուղով, նավթի տարանցման մասին պայմանագիրը լուծվել էր ս/թ. մարտից՝ Մոսկվայի նախաձեռնությամբ:
«Խողովակը չէր լցվում, ռուսական կողմին ձեռնտու չէր: Պատճառը զուտ տնտեսական էր», - նշել է Ս. Լավրովը: Նախարարը հիշեցրել է, որ լուծված պայմանագիրը կնքվել էր 1996թ.:
«Այժմ մեր էներգետիկական գերատեսչությունները զբաղվում են նոր համաձայնագրի նախապատրաստմամբ, որը կարտացոլի այսօրվա իրողությունները, այլ ոչ թե 1996 թվականի»,- ընդգծել է Լավրովը, գրում է rbc-ն: