Հայաստանում Ռուսաստանի ԱԴԾ սահմանապահ վարչության ուսումնական կենտրոնում, այսօր՝ մայիսի 22-ին, բաց դռների օր է կայացել, որին մասնակցել է Ռուսաստանի ԱԴԾ սահմանապահ վարչության պետ, գեներալ-լեյտենանտ Վիկտոր Վլասովը (ֆոտոռեպորտաժ): Միջոցառումը նվիրված է Ռուսաստանի սահմանապահ զորքերի կազմավորման 95-ամյակին, հաղորդում է NEWS.am-ի թղթակիցը: (ֆոտոռեպորտաժ)
Այսօր ցուցադրական ելույթներ են ունեցել սահմանապահ վարչության զինծառայողները, ներկայացնելով ձեռնամարտի տեխնիկան եւ տարբեր զինատեսակների օգտագործման իրենց վարպետությունը:
Ցուցադրվել են նաեւ պայմանական սահմանախախտի ձերբակալության գործողությունները, որից հետո սահմանապահները մանրամասն ներկայացրել են հրազենի բոլոր տեսակները: Լրագրողներին հնարավորություն է տրվել կրակել տարբեր զինատեսակներից:
Միջոցառման ավարտին մի շարք լրագրողների պատվոգրեր են շնորհել: Բացի այդ, զինվորական վրանում ճաշ է կազմակերպվել:
Լուսանկարները՝ Արսեն Սարգսյանի/NEWS.am