Կարկտահարության պատճառով ծիրանն այս տարի կորցրել է ապրանքային տեսքը եւ արտահանման համար պիտանի չէ: Այդ մասին այսօր՝ հունիսի 12-ին ՀՀ Ազգային Ժողովում ասաց ՀՀ գյուղատնտեսության նախարար Սերգո Կարապետյանը՝ կառավարության հետ հարցուպատասխանի ընթացքում պատասխանելով ՕԵԿ անդամ Հովհաննես Մարգարյանի հարցին:
Սակայն նախարարը հավաստիացրեց, որ վերամշակող ձեռնարկությունները անպայման կմթերեն վնասված ծիրանը, ու արդեն հայտնել են այդ մասին: Մասնավորապես՝ «Նոյան» ընկերությունը, որը գտնվում է Արմավիրի մարզում, այս տարի կմթերի 3000 տոննա ծիրան:
Մթերման սեզոնը, ըստ Ս. Կարապետյանի, արդեն մեկնարկել է:
