Հայաստանի կառավարությունն ու խորհրդարանը վստահաբար ցանկանում են ընդլայնել Իրանի հետ բարեկամական հարաբերությունները: Այս մասին Իրանի խորհրդարանի Ազգային անվտանգության եւ միջազգային քաղաքականության հարցերի հանձնաժողովի նախագահ Ալահեդդին Բորուժերդիի հետ հանդիպման ընթացքում հայտարարել է Իրանում Հայաստանի դեսպան Գրիգոր Առաքելյանը:
Դեսպանը նաեւ երկու երկրներին կոչ է արել օգտագործել տարբեր ոլորտներում հարաբերություններն ամրապնդելու ողջ ներուժը, հայտնում է Press TV-ն:
Իր հերթին Ալահեդդին Բորուժերդին նշել է, որ երկու երկրների միջեւ բարեկամական կապերը կարող են առավել սերտ համագործակցության հիմք դնել:
Ընդգծելով երկու երկրների միջեւ տնտեսական ու առեւտրային կապերի կարեւորությունը՝ Բորուժերդին հայտարարել է, որ Իրանն ու Հայաստանը տնտեսական, առեւտրային, արդյունաբերական ոլորտներում համագործակցության ամրապնդման համար պետք է օգտագործեն ողջ ներուժը:
Նա նաեւ մատնանշել է միջխորհրդարանական համագործակցության դերը առավել սերտ տնտեսական կապերի ոլորտների ուսումնասիրման գործում:
