Էլեկտրոնային սարքավորումների հայկական արտադրող «А-2» ընկերությունը քննարկում է Ուզբեկստանի շուկա դուրս գալու հնարավորությունը: Այս մասին NEWS.am-ի թղթակցի հետ զրույցում ասաց ընկերության գլխավոր տնօրեն Արարատ Ոսկանյանը:
Նրա խոսքով` ուզբեկական շուկան պատրաստվում է յուրացնել իրանական «Gaz Suzan» ընկերությունը, որի հայկական մասնաճյուղը` «Gaz Suzan Armenia»-ն, արտադրում է գազային հաշվիչներ Հայաստանի բաժանորդների համար: «А-2»-ն արդեն իսկ համագործակցում է նրանց հետ` թողարկելով արդյունաբերական հաշվիչների համար ջերմակարգավորիչներ:
«Հիմա մեր գործընկերների մոտ Ուզբեկստանում աշխատելու ցանկություն է առաջացել: Նրանք տեղեկացան մեր ծավալների մասին: Նրանց անհրաժեշտ ծավալները մենք կարող ենք մատակարարել, եւ պատրասստ ենք պատվերի վրա աշխատել ցանկացած ժամանակ»,-նշեց Ոսկանյանը:
