Քաղաքական մակարդակով Հայոց ցեղասպանության քննարկումներին ժամանակն է նաեւ իրավական շեշտադրում ավելացնել: Այս մասին NEWS.am-ի թղթակցին ասաց «Ժառանգություն» կուսակցության խորհրդարանական խմբակացութայն ղեկավար Ռուբեն Հակոբյանը, ով մասնակցում էր Փաստաբանների համահայկական համաժողովին:
«Նախկինում մեր պահանջները բավականին հաճախ են հնչել, սակայն արդար փոխհատուցման թեզիսների չեն վերածվել: Ժամանակն է սկսել Հայոց ցեղասպանության հարցը քննարկել նաեւ իրավական հարթությունում, եւ այստեղ մեր իրավաբանները կարող են շատ բան անել` ելույթներն ամրապնդելով անհրաժեշտ փաստաթղթերով»,-նշեց Հակոբյանը:
Նրա խոսքով` թեեւ աշխատանք տարվում է, սակայն ոչ բավարար չափով: Հիմա դա ընդլայնելը ոչ պայաս կարեւոր է, քան երբեւէ : «Ինչեւէ, լավ է ուշ, քան երբեք: Մենք պետք է Հայոց ցեղասպանության մեր օրակարգն ընդլայնենք միջազգային կազմակերպությունների հետ աշխատանքի առումով»,-եզրափակեց Հակոբյանը:
