Թուրքական կողմը շարունակում է ակտիվ օգնություն ցուցաբերել Ադրբեջանի զինված ուժերի զարգացմանը: Մասնավորապես, Ադրբեջանի եւ Թուրքիային զինված ուժերը համատեղ զորավարժություններ են անցկացնում Բաքվում եւ Նախիջեւանում, որոնք սկսվել են հուլիսի 12-ին եւ կշարունակվեն մինչեւ հուլիսի 28-ը:
Զորավարժությունների նպատակը երկու երկրների զինվորականների միջեւ փորձի փոխանակումն է: Բաքվում անցկացվելիք զորավարժություններին կմասնակցի թուրքական մեկ հետեւակային ստորաբաժանում, իսկ Նախիջեւանում` մեկ թուրքական մոտոհրաձգային գումարտակ:
Թուրքիայի նախագահ Աբդուլա Գյուլն այսօր հաստատել է Թուրքիայի եւ Ադրբեջանի միջեւ փոխըմբռնման հուշագիրը` զորավարժությունների անցկացման վերաբերյալ:
Հիշեցնենք, որ այդ «արդյունավետ համագործակցության» արդյունքներից մեկը «Ռամիլ Սաֆարով» ծրագրի նախապատրաստումն ու իրականցումն էր:
