Օրերս Հալեպում մահացել է ռումբի պայթյունի հետեւանքով վիրավորված հայուհին: Այս մասին NEWS.am-ի թղթակցին հայտնեցին Հայ առաքելական եկեղեցու Բերիո թեմից:
Ըստ տեղեկատվության՝ մահացել է 48-ամյա Սիլվա Չափուրյան-Թաղլյանը: Այօր կայացել է նրա հուղարկավորությունը:
Նշենք, որ կառավարական բանակը շարունակում է «Հյուսիսային փոթորիկ» լայնամասշտաբ գործողությունը՝ ուղղված Սիրիայի տնտեսական մայրաքաղաք Հալեպը ընդդիմադիր զինյալներից հետ գրավելուն: Ներկայումս նրանց հաջողվել է զրկել զինյալներին զենքի եւ սննդի մատակարարման հիմնական աղբյուրներից:
Բացի այդ, Հալեպում իր աշխատանքն է վերսկսել քաղաքի ամենախոշոր հացի փուռը՝ «Ալ-Համադանիե»-ն:
