«Ամերիա»-ի փորձագետների կատարած հետազոտության համաձայն` վերջին 10 տարվա ընթացքում նկատելի առաջընթաց է զգացվում ձկնաբուծության գծով, արտադրանքի ծավալի միջին տարեկան աճը կազմել է 28.5%: Ընդ որում, ենթաճյուղը հատկապես արագ է զարգացել սկսած 2008թ.-ից. արտադրանքի ծավալը 2008-2012թթ. միջինում 5.7 անգամ բարձր է 2003-2007թթ. համապատասխան ցուցանիշից:
Հետազոտության արդյունքները վկայում են, որ ձկնաբուծության ամբողջ արտադրանքի արտահանումը վերջին 10 տարվա ընթացքում գերազանցում է ներմուծմանը, ընդ որում 2012թ.-ին արտահանումը գերազանցել է ներմուծմանը շուրջ 4.9 անգամ:
