Հայաստանի Հանրապետությունն ու Լեհաստանի Հանրապետությունը ներդրումների խրախուսման եւ փոխադարձ պաշտպանության մասին համաձայնագիր կկնքեն: ՀՀ կառավարությունն այսօր՝ հուլիսի 18-ին հավանություն տվեց համաձայնագրի կնքմանը:
Ըստ ՀՀ էկոնոմիկայի նախարարության ներկայացրած տեղեկանքի՝ համաձայնագրի նախագիծը մշակվել է լեհական կողմից: Համաձայնագրով՝ կողմերը ներդրողներին տրամադրում են առավել բարենպաստության եւ ազգային ռեժիմներ:
Ըստ ՀՀ էկոնոմիկայի նախարար Վահրամ Ավանեսյանի՝ համաձայնագրի կնքումը այն քայլերից մեկն է, որ իրականացվում է վերջերս ՀՀ նախագահ Սերժ Սարգսյանի Լեհաստան կատարած այցի շրջանակներում ձեռքբերված պայմանավորվածությունների: