Հայաստանցի երիտասարդը, ով առանց գրանցման բնակվել է Կիեւում, չի կարողացել ընկերուհու ներկայությամբ հանդուրժել կիեւցի երկու ուսանողների վիրավորանքները եւ դանակով հարձակվել է իրեն վիրավորողների վրա:
Քաշքշուքը տեղի է ունեցել մայրաքաղաքի Սոլոմենսկի շրջանի սուպերմարկետներից մեկում: Հայաստանցին կոպտորեն իր դժգոհությունն է արտահայտել դրամարկղի աշխատողին, ինչը դուր չի եկել հերթում կանգնած ուսանողին եւ նա կարգը խախտողին նկատողություն է արել, փոխանցում է «Նովի Ռեգիոնը»:
Երբ ուսանողները դուրս են եկել փողոց, վիրավորված հայն արդեն նրանց է սպասել: Նրանց միջեւ կրկին քաշքշուք է սկսվել: Պարզվել է, որ նրան դուր չի եկել այն, որ նկատողությունն արվել է ընկերուհու ներկայությամբ:
Հայ երիտասարդը նրանց դանակի ծանր հարվածներ է հասցրել եւ փախել դեպքի վայրից:
Դատարանում երիտասարդն իր մեղքը չի ընդունել, բայց քանի որ նրան ֆիքսել էին սուպերմարկետի տեսախցիկներն ու ականատեսները, երիտասարդին չի հաջողվել խուսափել պատժից: Նա դատապարտվել է 7 տարվա ազատազրկման: