Թուրքիայի Սինոփի շրջանի բյուզանդական եկեղեցիներից մեկի տարածքում կատարած պեղումների ժամանակ հայտնաբերվել է քարե արկղ, որի մեջ, ըստ թուրք գիտնականների, գտնվում են Հիսուս Քրիստոսին պատկանող իրեր:
Թուրքական Anadolu գործակալության փոխանցմամբ`35 հոգանոց խմբի ղեկավար, պրոֆ. Գյուլգյուն Քյորօղլուն նշել է, թե եկեղեցում իրականացվող պեղումներն ու հետազոտություններն իրականացվում են Եվրամիության աջակցությամբ: Պրոֆեսորը պնդել է, թե պեղումների ժամանակ գտնվել է քարե արկղ, որտեղ գտնվում են Քրիստոսին պատկանող իրեր, այդ թվում խաչից մի մաս:
Սինոփի նահանգապետը նշել է, թե գտածոները մեծ արժեք ունեն Սինոփի պատմության համար:
