Հայաստանի ԱԻՆ-ում, այսօր՝ օգոստոսի 5-ին, ժամը 14.40-ին տեղեկություն է ստացվել, որ Լոռիի մարզի Ստեփանվան քաղաքի Բաղրամյան փողոցի շենքերից մեկի բնակարաններից մեկի դուռը փակ է, եւ ներսում մահացած մարդ կա. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել Ստեփանվան քաղաքի հրշեջ-փրկարարական ջոկատի օպերատիվ խումբը:
Հրշեջ-փրկարարները ոստիկանների ներկայությամբ բացել են բնակարանի դուռը եւ հյուրասենյակի հատակին հայտնաբերել 62-ամյա Ա. Շ.-ի դին:
Մահվան պատճառների մասին ոչինչ չի հաղորդվում:
