Հայաստանի նախագահ Սերժ Սարգսյանն օգոստոսի 28-ին այցելել է կրթության եւ գիտության նախարարություն եւ հանդիպել գերատեսչության ղեկավար կազմի հետ: (ֆոտոռեպորտաժ)
Փաստը, որ պետության ղեկավարը պետական գերատեսչություններ այցելելու փուլը սկսել է ԿԳՆ-ից, խոսում է պետության ղեկավարության համար այդ ոլորտի կարեւորության մասին, այցի արդյունքների ամփոփման ճեպազրույցում հայտնել է ՀՀ կրթության եւ գիտության նախարար Արմեն Աշոտյանը:
Ըստ Աշոտյանի՝ ԿԳՆ-ի ղեկավարության հետ հանդիպման ընթացքում նախագահին զեկուցվել է նոր ուսումնական տարվա նախապատրաստման աշխատանքների, նախարարության բոլոր բնագավառների կարճաժամկետ եւ երկարաժամկետ ծրագրերի մասին՝ նախադպրոցական կրթությունից մինչեւ գիտություն: Աշոտյանը նաեւ հայտնել է, որ շոշափվել են պետկառույցի վերաձեւավորման եւ պետմարմինների աշխատանքների թափանցիկությունը բարձրացնելու վերաբերյալ հարցեր:
«Հանդիպման ավարտին պետության ղեկավարը պատասխանել է մի շարք հարցերի, որոնք վերաբերել են ոչ միայն կրթության, այլեւ պաշտպանության, ներքին եւ արտաքին քաղաքականության բնագավառներին», - հավելել է նախարարը: