Դիարբեքիրի հայկական Սուրբ Կիրակոս եկեղեցու վերանորոգման համար երկար տարիներ պայքարած հայտնի գրող Մկրտիչ Մարկոսյանը հայտնել է, որ ցանկանում է Սուրբ Կիրակոսին վերադարձնել տարիներ առաջ հայտնաբեված պատմական Աստվածաշունչը:
Ստամբուլի հայկական Ակոսի փոխանցմամբ՝ դիարբեքիրցի հայ գրող Մկրտիչ Մարկոսյանը պատմել է, որ Աստվածաշունչը գտնվել է 2001 թվականին, երբ Սուրբ Կիրակոսի կիսափուլ վիճակում էր գտնվել: Նա նշել է, թե Աստվածաշունչը գտել են զուգարանի թղթերի համար թափված թղթերի կույտի մեջից:
Մկրտիչ Մարկոսյանի խոսքով՝ գտնված Աստվածաշունչը տպվել է 1690 թվականին, Վենետիկում: Աստվածաշունչը գտնվելուց ի վեր, ես աչքի լույսի պես եմ այն պահել: Երբ իմացա Դիարբեքիրի Սուրբ Կիրակոս եկեղեցու մի հատվածում հայերին վերաբերվող թանգարան է ստեղծվում, որոշել են այն Դիարբեքիր տեղափոխել,-ասել է Մկրտիչ Մարկոսյանը:
Նշենք, որ Դիարբեքիրի քաղաքապետարանը Սուրբ Կիրակոս եկեղեցու մի մասը դարձնելու է թանգարան, իր միջոցներով ապահովելու է հայերին պատկանած ցուցանմուշների ձեռքբերմանը, ինչպես նաեւ զբաղվելու է այդ տարածքի խնամքով եւ պահպանությամբ։