Շվեդիայի ԱԳ նախարար Կարլ Բիլդտը մեկնաբանել է վերջին իրադարձությունը՝ կապված Հայաստանի՝ Մաքսային Միություն մտնելու մտադրության հետ:
«Թվում է, Հայաստանը կդադարեցնի ԵՄ-ի հետ ազատ առեւտրի գոտու ստեղծման համաձայնագրի շուրջ բանակցությունները եւ դրա փոխարեն կգնա ինտեգրվելու Ռուսաստանին: Սա 180 աստիճանի շրջադարձ է»,- Twitter-ի իր միկրոբլոգում գրել է Բիլդտը:
Հիշեցնենք, որ Մոսկվայում կայացած բանակցությունների արդյունքում, Հայաստանի նախագահ Սերժ Սարգսյանը հայտարարել է, որ Հայաստանը մտադիր է մտնել Մաքսային Միություն եւ մասնակցել Եվրասիական տնտեսական միության ձեւավորմանը:
