Վրաստանի վարչապետ Բիձինա Իվանիշվիլին առայժմ չի տեսնում երկրի՝ Եվրասիական Միությանն անդամակցելու հեռանկարները: Այս մասին նա սեպտեմբերի 4-ին հայտարարել է լրագրողների հետ հանդիպման ընթացքում:
«Ինչ վերաբերում է Եվրասիական Միությանը, ապա ես ուշադրությամբ ուսումնասիրում եմ այդ հարցը: Մենք առայժմ դիրքորոշում չունենք այդ խնդրի շուրջ, քանի որ առայժմ հեռանկարներ չեմ տեսնում, սակայն եթե դրանք տեսանելի լինեն, ապա դա կարող է հետաքրիր լինել մեր երկրի ռազմավարության համար»,-հայտարարել է Իվանիշվիլին՝ պատասխանելով Reuters-ի թղթակցի հարցին, փոխանցում է Գրուզիա Online-ը: