Արցախի Հանրապետության նախագահ Բակո Սահակյանն, այսօր՝ սեպտեմբերի 7-ին, հանդիպում է ունեցել բարերար Ռուբեն Վարդանյանի եւ նրան ուղեկցող անձանց հետ:
ԼՂՀ նախագահի մամուլի գրասենյակից հայտնում են, որ քննարկվել են Արցախում տարբեր ծրագրերի իրականացման հետ կապված հարցեր: Հատուկ ուշադրություն է դարձվել բանկային համակարգի, մշակույթի եւ զբոսաշրջության ոլորտների զարգացմանը: Երկուստեք նշվել է վերոհիշյալ ոլորտներում խոստումնալից հեռանկարների առկայությունը եւ այս ուղղությամբ համակարգված աշխատանքների իրականացման անհրաժեշտությունը:
Հանդիպմանը մասնակցել են վարչապետ Արա Հարությունյանը, պաշտոնատար այլ անձինք: