Լիտվայի նախագահ Դալյա Գրիբաուսկայտեն քննադատել է Ռուսաստանին Արեւելյան գործընկերության երկրների, ինչպես նաեւ իր երկրի վրա ճնշում գործադրելու համար: Հիշեցնենք, որ ներկայումս Լիտվան ԵՄ նախագահող երկիրն է: Մոսկվայի կողմից կիրառվող մեթոդների մասին նա խոսել է ՄԱԿ-ի ամբիոնից: Ընդ որում, նա ոչ մի անգամ չի օգտագործել Ռուսաստան կամ ՌԴ բառերը:
Նա նշել է, որ Արեւելյան գործընկերության երկրները «բախվում են առեւտրային սահմանափակումների, ապրանքների արգելքների, էներգակիրների գների մանիպուլյացիայի, ճնշման կիրառման եւ բացահայտ անարգանքի հետ»,-նախագահին մեջբերում է Delfi.lt-ն:
