Արցախի Հանրապետության նախագահ Բակո Սահակյանը հոկտեմբերի 7-ին աշխատանքային խորհրդակցություն է հրավիրել, որի ընթացում քննարկվել են «Բեյզ Մեթըլս» ընկերության կողմից հանրապետության հանքաարդյունաբերական ոլորտում իրականացվող աշխատանքները:
Համապատասխան զեկույցով հանդես է եկել ընկերության նախագահ Վալերի Մեջլումյանը:
Իր խոսքում Նախագահ Սահակյանը նշել է, որ հանքաարդյունաբերական ոլորտը հանդիսանում է մեր տնտեսության հիմնական ոլորտներից մեկը եւ անհրաժեշտ է համապատասխան աշխատանքներ իրականացնել ոլորտում առկա դրական դինամիկան երկարաժամկետ հեռանկարում պահպանելու համար: Հատուկ ուշադրություն է դարձվել նաեւ բնության պահպանման հարցերին:
Խորհրդակցությանը մասնակցել են ԱԺ խոսնակ Աշոտ Ղուլյանը, վարչապետ Արա Հարությունյանը, պաշտոնատար այլ անձինք:
