Էդիկ Բարսեղյանն իր դիմումի համաձայն ազատվեց Արարատի մարզպետի պաշտոնից: ՀՀ կառավարությունն այսօր՝ հոկտեմբերի 10-ին, հաստատեց նրա հրաժարականը:
ՀՀ վարչապետ Տիգրան Սարգսյանն անսպասելի հայտարարեց, որ Էդիկ Բարսեղյանի ազատման մասին որոշումը ստորագրում է անհապաղ, ու խնդրեց ՀՀ նախագահի աշխատակազմի ղեկավար Վիգեն Սարգսյանին՝ այն անմիջապես ներկայացնել ՀՀ նախագահի հաստատմանը:
Սակայն ազատումից հետո կառավարությունն անցավ այլ հարցերի՝ նոր մարզպետի նշանակման հարցը թողնելով ավելի ուշ հաստատման:
Կառավարության մեկ այլ որոշմամբ՝ մարզպետ պետք է նշանակվի Արամայիս Գրիգորյանը:
Ա. Գրիգորյանը ծնվել է Արարատի մարզի Ավշար գյուղում, 2003-20088 թթ. եղել է պատգամավոր, 2008-2009 թվականներին՝ ՀՀ գյուղատնտեսության նախարար՝ ՀՅԴ քվոտայով: Պաշտոնից ազատվել է ՀՅԴ-ի՝ կոալիցիայից դուրս գալու պատճառով:
Է. Բարսեղյանը Արարատի մարզպետ էր 2010 թ.-ից: