Հայտնի շանսոնյե Շառլ Ազնավուրն այսօր՝ հոկտեմբերի 25-ին, ելույթ կունենա Լոնդոնի թագավորական «Ալբերտ հոլլ» դահլիճում: Հայաստանում բրիտանական խորհրդի գրասենյակից հայտնել են, որ վերջին 25 տարում սա Ազնավուրի առաջին ելույթն է Լոնդոնում:
Իր ստեղծագործական կյանքի 60 տարիներին Շառլ Ազնավուրը 1200 երգ է ձայնագրել, նկարահանվել 80 կինոֆիլմերում, թողարկել 294 ալբոմ եւ տվել հազարավոր համերգներ ողջ աշխարհում: Երաժիշտը Շվեյցարիայում Հայաստանի դեսպանն է, նաեւ ՅՈՒՆԵՍԿՕ-ի դեսպանը: