Երեւանում ընթացող ՀԱՊԿ խորհրդարանական վեհաժողովի պաշտպանության եւ անվտանգության հարցերով հանձնաժողովի նիստի անդամներն այսօր՝ հոկտեմբերի 31-ին, այցելել են հայ-ադրբեջանական սահման:
Պատվիրակները եղել են Նախիջեւանի հետ սահմանում, տեղում ծանոթացել իրավիճակին: Նրանց հակառակորդի, նրա զբաղեցրած դիրքի, զինվածության եւ թվաքանակի մասին տեղեկություններ են տրվել:
ՀԱՊԿ ԽՎ պատվիրակներին հետաքրքրել են ուժերի հարաբերակցությունը, հակառակորդի կողմից սադրանքները, ոչ կանոնադրական հարաբերությունները, նյութատեխնիկական բազան, սոցիալական պայմանները:
ՀԱՊԿ խորհրդարանական վեհաժողովի պաշտպանության եւ անվտանգության հարցերով հանձնաժողովի նախագահ Անատոլի Վիբորնին լրագրողների հետ զրույցում նշել է. «Ավելի լավ է մեկ անգամ տեսնել, քան հարյուր անգամ լսել: Որպես զինվորական մարդ, ես այս հենակետում ստորաբաժանումները գտնվում են մարտական պատրաստության ռեժիմում: Ինձ հմար կարեւոր էր նայել զինվորների աչքերին, տեսնել, թե ինչպես են իրենց պահում սպաները: Ես հաճելիորեն զարմացած եմ, որ զինվորներն ու սպաներն արժանապատվորեն տանում են զինծառայության դժվարությունները: Նրանց մարտական ոգին բավական բարձր է»,-ասել է Վիբորնին: