Իրանը եւ Հայաստանը հիդրոէներգետիկայի ոլորտում ծրագրերի իրականացման երեք համաձայնագիր են ստորագրել: Համաձայնագրերը ստորագրվել են Թեհրանում՝ Իրանի եւ Հայաստանի էներգետիկայի նախարարներ Արմեն Մովսիսյանի եւ Համիդ Չիթչյանի կողմից:
Press TV-ն հայտնում է, որ նախարարները քննարկել են փոխադարձ համագործակցության հարցեր:
Համիդ Չիթչյանը ընդգծել է էներգետիկայի ոլորտում Իրանի եւ Հայաստանի համագործակցության բարձր մակարդակը եւ հայտնել, որ նոր համաձայնագրերը վերաբերում են բնական գազի դիմաց էլեկտրաէներգիայի փոխանակմանը, Արաքս գետի վրա նոր ՀԷԿ-ի կառուցմանը, ինչպես նաեւ երկու երկրների միջեւ էլեկտրաէներգիայի հետագա փոխանակմանը:
ԻԻՀ էներգետիկայի նախարարը տեղեկացրել, որ քննարկվել է նաեւ Իրանից Ռուսաստան էլեկտրաէներգիայի արտահանման հարցը:
Նրա խոսքով՝ գոյություն ունեցող համաձայնագրերի հիմքով Իրանը Ռուսաստան էլեկտրաէներգիա կարտահանի Հայաստանի, Վրաստանի եւ Ադրբեջանի միջով:
Արմեն Մովսիսյանը նշել է, որ իրանցի գործընկերոջ հետ բանակցությունների հիմնական թեման Իրանից գազի ներկրման ավելացումն է: