Հայկական ատոմակայանի աշխատած վառելիքի չոր պահեստարանը կշահագործվի մինչեւ 2020 թվականը: Կառավարության միջուկային անվտանգության կարգավորման պետական կոմիտեի պաշտոնական կայքի փոխանցմամբ՝ ՀՀ Պետատոմհսկողությունը 2000 թվականի օգոստոսի 1-ին Հայկական ԱԷԿ-ին տվել է աշխատած վառելիքի չոր պահեստարանի շահագործման լիցենզիա 20 տարի ժամկետով, հաղորդում է «ԷկոԼուրը»:
NUHOMS-56 տիպի աշխատած վառելիքի չոր պահեստարանը գտնվում է Հայկական ԱԷԿ-ի հրապարակում: Ըստ պաշտոնական աղբյուրի` պահեստարանը բաղկացած է 616 ջերմանջատիչ հավաքվածքների պահեստավորման համար նախատեսված 11 հորիզոնական մոդուլներից: 2005 թվականին ՀՀ Ազգային ժողովը ՀՀ կառավարության առաջարկությամբ որոշում է ընդունել ընդարձակել պահեստարանը, որը հնարավորություն կտա պահեստավորել 1890 հատ ջերմանջատիչ հավաքվածք՝ առնվազն 50 տարի ժամկետով:
