Դուբայում միջազգային International Motor Show ցուցահանդեսի անցկացման ժամանակ առաջին անգամ կազմակերպվել է ավտոմեքենաների շքերթ: Կազմակերպիչների գնահատմամբ՝ շքերթին մասնակցած մեքենաների ընդհանուր արժեքը կազմել է 136 միլիոն դոլար:
Քաղաքի փողոցներվ անցել են մոտ 500 ավտոմեքենաներ: Շքերթը գլխավորել է շքեղ ոստիկանական ավտոմեքենան:
Dubai International Motor Show միջազգային ցուցահանդեսին ընդհանուր առմամբ ներկայացվել են ավելի քան 600 ավտոմեքենա: Ավանդաբար խոշորագույն արտադրողները ներկայացնում են օրիգինալ ու շքեղ ավտոմեքենաներ, որոնք կարող են բավարարել Պարսից ծոցի երկրներից հարուստ հաճախորդների ճաշակը:
ԱԷՄ-ից երեք եղբայրներ ներկայացրել են իրենց նախագիծը՝ Devel Sixteen մակնիշի ավտոմեքենան, որն ամենաարագն է աշխարհում: Արտադրողները վստահեցնում են, որ այս մեքենան կարող է զարգացնել ժամում 560 կմ արագություն: Ընդ որում 100 կմ/ժ արագությունը նա զարգացնում է 1,6 վայրկյանում: Շարժիչի հզորությունը կազմում է 5000 ձիաուժ: Ավտոմեքենան ամբողջությամբ արտադրվում է Դուբայում, միայն շարժիչն է հավաքվում ԱՄՆ-ում: Գինը կազմում է 1,5 միիոն ամերիկյան դոլար: Արտադրողները խոստովանում են, տարեկան շուկա կարող են դուրս հանել վեցից ոչ ավել ավտոմեքենա, հաղորդում է ՌԻԱ Նովոստին:
Տեղի բնակչության հետաքրքրությունն է հարուցել կորեական KIA-ի մոդելներից մեկը. այն պատված է նյութով, ինչը դժվարությամբ է տարբերվում սովորական մաշկից: