Հայաստանի եւ Ռուսաստանի նախագահներ Սերժ Սարգսյանն ու Վլադիմիր Պուտինը այցելել են ռուսական 102-րդ ռազմաբազա:
Հիշեցնենք, որ Պուտինի պետական այցը սկսվել է Գյումրիից, որտեղ տեղակայված են ռուսական ռազմաբազայի հիմնական ուժերը: Ռուսական պետության ղեկավարը ծանոթացել է ծառայության պայմաններին, զրուցել զինվորների եւ սպաների հետ, հայտնում է NEWS.am-ի թղթակիցը:
102-րդ ռուսական ռազմաբազան ստեղծվել է 1995թ.` Հայաստանի եւ ՌԴ-ի միջեւ միջպետական պայմանագրերին համապատասխան: Այն մարտական հերթապահություն է իրականացնում ԱՊՀ միասնական ՀՀՊ համակարգի շրջանակներում: Ռազմաբազան ենթարկվում է Հարավային Կովկասում Ռուսաստանի Դաշնության Հարավային ռազմական օկրուգի ռուսական զորքերի խմբին: Ռազմաբազայի տեղակայման մասին պայմանագիրը կնքվել էր 25 տարով եւ երկարացվել եւս 49 տարով (մինչեւ 2044 թ.) ` 2010թ. ՌԴ նախագահ Դմիտրի Մեդվեդեւի Հայաստան կատարած այցի ժամանակ: