Երկրաշարժից 25 տարի հետո աղետի գոտու բնակչության տաս տոկոսը` մոտ երեք հազար ընտանիք, դեռ բնակարանի խնդիր ունի: Այս մասին այսօր դեկտեմբերի 6-ին հրավիրված ասուլիսին ասաց «Սոցիոմետր» սոցիոլոգիական կենտրոնի ղեկավար Ահարոն Ադիբեկյանը՝ խոսելով 1988թ. դեկտեմբերի 7-ի երկրաշարժի հասցրած վնասների մասին:
Նա միաժամանակ ավելացրեց, որ երկրաշարժից քսան տարի հետո Ռոբերտ Քոչարյանի օրոք պետք է խնդիրն արդեն լուծվեր, որը այդպես էլ չլուծվեց, գործարանները եւս չվերաբացվեցին , իսկ գործազրկությունը դարձավ խրոնիկ հիվանդություն: «Մեծ խնդիր եղավ Լինսի հիմնադրամի հետ, որի գումարները Ռոբերտ Քոչարյանի օրոք ծախսվեցին, բայց քանի որ բողոք չկա, խնդիրը շարունակում է անլուծելի մնալ: Տեսնում ենք, որ տատիկ-պապիկները դոմիկներում են ապրում, բայց քանի որ բողք չկա ուրեմն պրոբլեմ էլ չկա: Բայց հիմնական խնդիրը լուծված է` ավերակները հանված են, փորձում են վթարային շենքերը վերականգնել, վերականգման հատուկ գոտիներ են ստեղծում: Այնտեղ ճեղքվածք է անցնում մայրցամաքային` Լեննական-Սպիտակի գծով եւ դա միշտ կրկնվելու վտանգ ունի»,- նշեց Ահարոն Ադիբեկյանը: