Ղարաբաղյան հակամարտության կարգավորման բանակցային գործընթացը ֆիասկոյի ենթարկվեց այն պահից, երբ ստորագրվեցին Մադրիդյան սկզբունքները: Այս մասին NEWS.am-ի թղթակցի հետ զրույցում ասել է ԱԺ «Ժառանգություն» խմբակցության ղեկավար Զարուհի Փոստանջյանը՝ նշելով, որ 2013թ. որեւէ առաջընթաց չի գրանցվել:
Ընդդիմադիրի խոսքով՝ Հայաստանի եւ Ադրբեջանի նախագահների հանդիպումները ձեւական բնույթ են կրում եւ երկու երկրների ղեկավարող ռեժիմներին թույլ են տալիս մնալ իշխանության ղեկին. «Երկու երկրներում էլ իշխանությունը հասարակության վստահությունը չի վայելում, միաժամանակ նման հանդիպումները թույլ են տալիս ղարաբաղյան հակամարտության կարգավորմանն ուղղված գործողությունների պատրանք ստեղծել»:
