ՀԿԵ-ն իրավունք ունի շահագործելու Իրան-Հայաստան երկաթուղին: Այս մասին NEWS.am-ին տված հարցազրույցում հայտարարել է ՀԿԵ գլխավոր տնօրեն Վիկտոր Ռեբեցը:
Այդ իրավունքը ամրապնդված է եռակողմ համաձայնագրով, որը ստորագրվել է 2013-ի սկզբին՝ Հայաստանի տրանսպորտի նախարարության, «Ռասիա» ներդրումային ընկերության ու ՀԿԵ միջեւ:
ՀԿԵ մայր ընկերությունը առայժմ չի կողմնորոշվել նախագծին մասնակցելու առումով: Առայժմ որոշվել է, որ շինարարական աշխատանքներին մասնակցելու է «CCCC» չինական ընկերությունը: Իսկ կազմակերպչական հարցերով ՀԿԵ-ն բանակցել է Իրանի արդյունաբերական պալատի հետ: Ըստ նրա, նախնական գնահատականներով՝ նախագիծը կարժենա ավելի քան երեք միլիարդ դոլար: